Unha vez era unha galiña que estaba debaixo dun castiñeiro, e caeulle un ourizo na cacorrochiña. Comezou a correr, e topouse co galo.
-Marche de aí, don Galo, que cae o mundo a pedazos.
-¿Quén cho dixo, dona Galiña?
-Caeume a min na coroniña.
E marchou
Chegou onde a lebre, e díxolle:
-Marche de aí, dona Lebre,
que cae o mundo a pedazos.
-¿Quén llo dixo, dona Galiña?
-Caeume a min na coroniña.
Marchou, e chegou onde a raposa:
Marche de aí, dona Raposa,
que cae o mundo a pedazos.
-¿Quén llo dixo, dona Galiña?
-Caeume a min na coroniña.
-Se cae o mundo a pedazos,
eu quero ir ben fartiña
E dun bocado chimpou á faladora galiña..
Ningún comentario:
Publicar un comentario